Annar stór kostur við All-on-4 tæknina er að gervitennur eru festar á tannplanta með hárréttum vinkli sem þýðir að hægt er að nota þessa tækni án þess að þörf sé á beinuppbyggingu, jafnvel þar sem ekki er nægilegt bein til staðar. Þessvegna tekur meðferðin styttri tíma, sjúklingurinn er fljótari að jafna sig og verðið því hagstæðara. Með þessu móti er hægt að losna við óþægindi vegna aðgerðar og fjárhagslega byrði á sama tíma og lífsgæðin eru aukin með tilkomu nýrra og fullkominna tanna.

All-on-4 meðferðin, skref fyrir skref

1. Ráðgjöf

Til að byrja með skoðar tannlæknir ástand tanna og kjálkabyggingu. Hann skoðar röntgen- og CT Scan myndir til þess að fá sem nákvæmastar upplýsingar til að ákveða stærð og stöðu tannplanta í munninum. Einnig svarar hann öllum þeim spurningum sem kunna að vakna. Síðan er útbúið tilboð og nákvæm meðferðaráætlun fyrir þig.


2. Ísetning tannplanta og brú fest til bráðabirgða

Eftir ráðgjöf og skoðun er hægt að festa tíma fyrir aðgerðina. Ferlið gengur þannig fyrir sig að fjórum til sex tannplöntum er komið fyrir í efri gómi og fjórum í neðri gómi og gengið úr skugga um að tannbrýr í báðum gómum séu vel festar og stöðugar. Ef fjarlægja þarf ónothæfar tennur er það gert á sama tíma. Þú getur því gengið út með nothæfar bráðabirgðatennur þann sama dag. Notast er við staðdeyfingu (með sprautu) svo aðgerðin er nánast sársaukalaus. Einnig er möguleiki að fá svæfingu.  Að aðgerð lokinni má búast við svolítilli bólgu og óþægindum í andliti. Hægt er að vinna hratt á þeim einkennum með verkjalyfjum eða með því að leggja ísmola við bólguna.


3. Innsetning gervitanna 

Það tekur góminn 3-6 mánuði að jafna sig eftir að tannplanti hefur verið settur í hann. Á því timabili er mikilvægt að hreinsa vel tennur og munn því tannplantinn, sem er ígildi tannrótar, festist í beininu og verður stöðugur hluti af kjálkanum og rótin þannig endurnýjuð til framtíðar. Efnin sem notuð eru í tennur geta verið sirkon, málmblandað keramik, steyptar málmfestingar eða hið nýja PEEK efni (BioHPP) en valið byggist á útliti viskiptavinar og fleiri þáttum.


4. Regluleg skoðun og tannhreinsun

Eftir fyrsta hluta meðferðarinnar er gott að koma aftur að mánuði liðnum (og síðan á sex mánaða fresti) og fá tannhreinsun hjá tannhreinsunarsérfræðingum okkar.

Áhættuþættir:

Alkóhólismi, stórreykingar, eiturlyfja og lyfjafíkn,  sjúkdómar, heilsufar (beinsjúkdómar, ómeðhöndluð sykursýki, hjartasjúkdómar, þungun.) Tannskurðlæknir metur hvort áhættuþættir séu með þeim hætti að breyta þurfi meðferð.

FAQ – Algengar spurningar um All-on-4

  • Hvað einkennir All-on-4 meðferðina?

    Þessi nýlega tækni er til þess að endurnýja í heild sinni efri og/eða neðri góm með aðeins fjórum mjög stöðugum tannplöntum í hvorn góm.  Strax er komið fyrir bráðabirgðatanngervi sem einnig er fullkomlega nothæft. Þeir sem koma alveg tannlausir geta því eftir eina heimsókn farið frá okkur með heilt tanngervi, sambærilegt upprunalegum tönnum bæði útlitslega fallegar og vel virkandi.

  • Af hverju er All-on-4 fljótvirkari en hefðbundin tannplantameðferð?

    All-on-4 gerir ráð fyrir aðeins fjórum tannplöntum í góm, sem styttir meðferðar- og heilunartíma mjög mikið. Staðsetning og vinkill tannplantana gerir það að verkum að hægt er að setja inn heilt tanngervi án þess að byggja þurfi upp bein. Slík tækni minkar líkur á óþægindum og sparar bæði tíma og peninga.

  • Af hverju er All-on-4 besti kosturinn?

    Bæði hvað varðar tilfinningu, útlit og virkni eru gervitennur sem settar eru inn með All-on-4 tækni líkastar þínum eigin tönnum. Tannplantar eru lausir við óþægindi vegna lausra tanngerva (los, tannlím, að taka þær út yfir nóttina o.s.frv.). Samanborið við hefðbundna tannplanta þá tekur All-on-4 meðferðin styttri tíma bæði í framkvæmd og fyrir góminn að gróa og þessvegna hagkvæmari fyrir viðskiptavininn. Ákveðin afstaða tannplanta í gómnum gerir þá stöðugri í beini svo beinígræðsla eða uppbygging er yfirleitt ónauðsynleg. Fast bráðabirgðatanngervi er hægt að setja á tannplantana strax eftir að þeir hafa verið settir í svo í raun er aðgerðin og ísetning tanngervis framkvæmd á sama tíma.

  • Hverjir eru áhættuþættirnir?

    Alkóhólismi, stórreykingar, eiturlyfja og lyfjafíkn,  sjúkdómar, heilsufar ( beinsjúkdómar, ómeðhöndluð sykursýki, hjartasjúkdómar, þungun.) í öllu tilfellum er mikilvægt að fá ráðgjöf tannlæknis. Hann metur hvort áhættuþættir séu með þeim hætti að breyta þurfi meðferð.

  • Er All-on-4 dýr meðferð?

    Á heildina litið er All-on-4 hagkvæm meðferð þar sem aðeins fjórir tannplantar eru notaðir í hvorn góm. Einnig er auðveldara að forðast óþægindi vegna beinígræðslu, heilunartími er stuttur þ.e. sjúklingurinn er fljótari að snúa til baka í sitt daglega líf ( til vinnu e 2-3 dögum eftir meðferð). Þess utan er ekki þörf á eins tíðum skoðunum í kjölfarið svo það sparar ferðakostnað.

  • Er meðferðin sársaukafull?

    Alls ekki!  Meðferðin er nánst sársaukalaus, þökk sé staðdeyfingu (með sprautu).  Ef sjúklingur óskar þá er einnig hægt að fá svæfingu. Eftir meðferðina má búast má við smávægilegum verkjum í andliti  og bólgu sem hægt er að meðhöndla með verkjalyfjum og/eða köldum bökstrum. Mjög sjaldgæft er að líkaminn hafni tannplanta. Ef vel er að verki staðið og tannhirða er góð má búast við yfir góðum árangri í yfir 90% tilfella.  Mikilvægt er að tannlæknir búi yfir þekkingu og reynslu af slíkum meðferðum og ræði hana við sjúklinginn. Tannlæknastofan þarf að vera áræðanleg og nota eingöngu gæðavörur eins og t.d. tannplanta af háum gæðastaðli. Reynsluleysi og lélegir tannplantar geta valdið sjúklingi miklum óþægindum til langs tíma. Vegna þessa er mikilvægt að þú gangir úr skugga um að tannlæknastofan þín staðfesti þína meðferð og taki á henni ábyrgð.

ERTU MEÐ SPURNINGAR?

Taktu fyrsta skrefið í átt að bjartara brosi og pantaðu símtal! Það verður hringt í þig innan sólarhrings.